Saúde oral en adolescentes. Estudo epidemiolóxico en Galicia

Zusammenfassung

A saúde oral é un indicador clave da saúde xeral e da calidade de vida. Empregando datos extraídos dunha enquisa realizada a nivel autonómico, realizouse un estudo descriptivo e transversal en escolares de 12 e 15 anos de Galicia, e xerouse un modelo de regresión loxística incluíndo variables relacionadas coa carie e a maloclusión. A prevalencia de carie atopada en escolares galegos foi baixa segundo os criterios da OMS, pero segue sendo un problema importante de saúde pública. A prevalencia de carie e o CAOD aumentaron dos 12 ós 15 anos de idade. A prevalencia de maloclusión, o índice DAI e placa dental foron maiores nos escolares de 12 anos, mentres que a experiencia de carie foi maior ós 15. A experiencia de carie e a presencia de placa dental estiveron asociadas á maloclusión en ambos grupos de idade.